Wanderwoche 2026

Wanderferie vom 13. Juni bis am 20. Juni in Arosa

18 Persone hei e Wuche Ferie buecht, u hei der Gigi vo Arosa gsuecht.

Am 1. Tag vo Langenthal diräkt uf Chur, das isch e tolli Tour. Zimmerbezug im Hotel Alpesunne, das isch dene Marianne super glunge.

Am 2. Tag dür ne Bluemepracht, i froge mi, wer het das gmacht. Am Bach no gäng es Wasserrusche, am liebschte wär me dört go dusche. De über nä Hängebrügg und are Füürsteu gsässe, u hei die brötleti Servela gässe. U de fasch uf em gliche Wäg wider zrügg, Annelies, muesch halt nomou über die Brügg. 6 Persone hei nümm wöue loufe u hei für 80 Stutz e Kutschefahrt chönne choufe.

Am Tag 3 mit der Gondle ufs Wiishorn ueche, u nach der Ussicht ir
Mittustation zueche. Bim Bärepark bruchts chli Geduld, bis mir die brune Gselle gseh. Derno e Wanderig dür Fäld und Wald, der Eichhörnliwäg chunt jo bald. Es isch ä tolli Wanderig gsi, aha, und uf em Wisshorn hets de no Schnee.

Am 4. Tag geits mit em Bus chli ds Dorf uf, u de geits witer z Fuess z Düruf. Es Seeli chunt, e wahri Freud. Mir hei nis ufteilt, hei nis gstreut. Die einte si steil obsi gange, die andere hei am Seeli gwartet u si ar Fläsche ghanget. Zfride si alli zrügg is Hotel cho u hei de gmüetlich s Znacht iigno.

Am 5.Tag Richtig Wasserfall. Also Wasser, das hets überall. Die schöne Blueme, so ne Troum, Froueschue, Enzian,Ankebälli unter eim Boum. Bime Brätliplatz zämegsässe und öppis us em Rucksack gässe. Derno e schöni Stross alles dür e Wald, hejo, Arosa chunnt jo scho bald. Derno Kafi, Glace und Süessigkeite, mir 18 Lüt hei üs chönne im Cafe usbreite. Am Obe de no Lottomatch, u süsch no spile, wenn de magsch.

…Lust auf noch mehr Arosa? Lesen Sie weiter:

Wanderwoche 2026

Von Ursula Bruggmann